දකුණු පළාත් සභා බල ප්‍රදේශයට අයත් හම්බන්තොට දිස්ත්‍රික්කයේ දකුණු දිශානුගතව අක්ෂාංශ 6° 1′ සහ දේෂාංශ 80° 47′ හි තංගල්ල නගරය පිහිටා ඇත. තංගල්ල නගර සභා බල ප්‍රදේශය වර්ග කිලෝමීටර් 3.24 ක භූමි ප්‍රමාණයකින් සමන්විත වන අතර තංගල්ල ප්‍රාදේශීය සභාවට මායිම්ව ස්ථානගත වී ඇත. ග්‍රාම නිලධාරී කොට්ටාශ 06 ක් තුල මුලු ජන ගහනය 9406 ක් සහ ලියාපදිංචි ඡන්ද සංඛ්‍යාව 6938 ක් වේ.
| ග්‍රාම නිලධාරී කොට්ටාශය | ජන ගහනය |
|---|---|
| 01 මැදකැටිය | 1725 |
| 02 දංකැටිය | 2933 |
| 03 ඉදිපොකුණගොඩ උතුර | 2263 |
| 04 ඉදිපොකුණගොඩ දකුණ | 592 |
| 05 කොටුවේගොඩ | 558 |
| 06 පල්ලික්කුඩාව නාගරික | 1335 |
තංගල්ල නාගරික බල ප්‍රදේශය තුළ දෙස් විදෙස් සංචාරකයින්ගේ ආකර්ෂනය දිනාගත් පාරිසරික පද්ධතීන් වලින් ගහන ආර්ථික , සමාජීය , සංස්කෘතික ,ඵෙතිහාසික , ආගමික , පාරිසරික , භූගෝලීය , වශයෙන් සුවිශේෂී වැදගත්කමක් සහිත ස්ථාන බොහොමයක් පවතී. ඒ අතුරින් ස්වාභාවික කොරල්පරයකින් සමන්විත සුන්දර මුහුදු තීරය, කඩොලාන පරිසර පද්ධතිය සහ ඓතිහාසික වැදගත්කමක් සහිත ආගමික ස්ථාන ප්‍රමුඛත්වයක් දරයි.